Նյութը՝ ՀՀ սպորտի և երիտասարդության հարցերի նախարարության
Տեղադրվել է 18-09-2018
Հանդիպում Քրիստինե Ասատրյանի հետ
ՀՀ սպորտի եւ երիտասարդության հարցերի նախարարությունը հրավիրում է բոլոր հետաքրքրված կազմակերպություններին` հասարակական կազմակերպություններին, հիմնադրամներին, ուսանողական խորհուրդներին, նախաձեռնող խմբերին եւ այլ կառույցներին սեպտեմբերի 25-ին, ժամը 12-ին մասնակցել ՀՀ սպորտի եւ երիտասարդության հարցերի նախարարի տեղակալ Քրիստինե Ասատրյանի հետ հանդիպում-քննարկմանը։
Հանդիպում-քննարկման ընթացքում Քրիստինե Ասատրյանը կներկայացնի նախատեսվող ծրագրերը եւ ՀՀ կառավարության առաջնահերթությունները՝ երիտասարդական քաղաքականության ոլորտում, կքննարկվեն երիտասարդությանն առընչվող առանցքային հիմնախնդիրները, ինչպես նաեւ կազմակերպությունների ներկայացուցիչները հնարավորություն կունենան բարձրացնել իրենց հետաքրքրող հարցերը։
 
Միջոցառմանը մասնակցել ցանկացող կազմակերպություններին խնդրում ենք գրանցվել մինչեւ սեպտեմբերի 20-ը ներառյալ: