Ինչպես բարելավել նյութափոխանակությունը և այրել ճարպերը վազքի միջոցով
Յուրաքանչյուրն ունի ճարպերը այրելու իր մեթոդը, իսկ թե ինչ քանակությամբ, կախված է սեռից, տարիքից, քաշից, ինչպես նաև գենետիկական գործոններից: Մինչդեռ շատ մարդիկ ունեն լավ նյութափոխանակություն և կարիք չունեն չարչարվելու, որպեսզի հասնեն իրենց ցանկալի քաշին, մյուները տառապում են քաշ կորցնելու համար: Սակայն, եթե դուք այն հաջողակներից չեք, ով կարողանում է այրել ճարպերը հատուկ միջոցներով, դուք դեռևս կարող եք բարելավել ձեր նյութափոխանակությունը:

Փորձագետ Սաշա Վինգենֆելդը այս հոդվածով կներկայացնի, թե ինչպես կարող եք քաշ կորցնել վազքի միջոցով:

Սրտի աշխատանքը կարգավորող մարզումները ամենաճիշտ սկիզբն են սկսնակ վազորդների համար

Սկսնակ վազո՞րդ եք և փնտրու՞մ եք ամենալավ միջոցը այրելու ճարպերը և բարելավելու նյութափոխանակությունը: Եթե այո, ապա սրտի աշխատանքը կարգավորող մարզումները հենց ձեզ համար են: Ինչպես նշում է փորձագետ Սաշան, վազելը կամ քայլելը հիանալի միջոց են արագացնելու նյութափոխանակությունը՝ ստանալով անհրաժեշտ էներգիան ճարպերի պահուստից: Վազելու կամ քայլելու նպատակն է մարզել մարմինը և ամրապնդել մկանները՝ օգտագործելով կուտակված ճարպերը: Այս գործընթացը կայուն հիմք է հետագայում ինտենսիվ մարզումներով զբաղվելու համար: Սրտի աշխատանքը կարգավորող մարզումները ամենաճիշտ տարբերակն են սկսնակների համար, քանի որ վարժությունները կատարվում են ցածր ինտենսիվությամբ:

Ուշադրություն:  Ցավոք սրտի, սրտի աշխատանքը կարգավորող թեթև մարզումների արդյունքում այրված կալորիաների քանակը համեմատաբար ցածր է: Այնուամենայնիվ, ապացուցվել է, որ սկսնակ վազորդները, ովքեր սկզբից այրում են 10գ ճարպ յուրաքանչյուր 30 րոպեանոց մարզումի ընթացքում, կարող են ավելացնել ճարպերի այրումը մինչև 30գ միայն 12 շաբաթից հետո:

 

 

Ինտերվալային մարզումները ավելի արդյունավետ են փորձառու վազորդների համար

Ավելի փորձառու վազորդներին անհրաժեշտ է շաբաթական առնվազն մեկ անգամ ճարպերը այրող ինտերվալային մարզումներ անցկացնել: Այսպիսի մարզումները այրում են ավելի մեծ քանակությամբ կալորիաներ շնորհիվ բարձր ինտենսիվության: Երկար ժամանակ է անհրաժեշտնաև օրգանիզմի վերականգնման համար, որը կօգնի այրել կալորիաները նույնիսկ մարզումից հետո:

Ուշադրություն: Ինտերվալային մարզումները մեծ ազդեցություն են թողնում ձեր օրգանիզմի վրա, հատկապես սրտի և մկանների վրա: Այնուամենայնիվ, դա վերաբերում է միայն փորձառու վազորդներին: Կարևոր է նաև ինտերվալային մարզումների միջև ընկած ժամանակահատվածում կատարել սրտի աշխատանքը կարգավորող թեթև վարժություններ:

Մկանների ամրապնդման և ուժային մարզումներ կատարեք

Մինչդեռ սկզբում կենտրոնանում եք մկանները ամրապնդելու վրա, ուժային վարժությունները նպաստում են ճարպերը այրելուն շնորհիվ նյութափոխանակության: Մկանի յուրաքանչյուր լրացուցիչ կիլոգրամը այրում է օրական լրացուցիչ 50 կալորիա: Այդ իսկ պատճառով մկանը հայտնի է որպես ‹‹ճարպ այրող գործիք››: Եթե վերը նշված վարժությունները հիմնականում ազդեցություն չեն ունենում կամ մկանները չեն ամրապնդում, ապա կարող եք ձեր մարզումներում ներառել շաբաթական մեկ կամ երկու ուժային վարժություն: Ինչպես նշում է փորձագետը, պետք է համոզված լինել, որ ավելի մեծ ուշադրություն է դարձվում մկանների մեծ խմբերի վրա, քանզի այսպիսի մարզումները հիանալի արդյունք են տալիս: Իհարկե, այս ամենը կախված է, թե ինչ եք նախընտրում՝ քաշի կորուստ, թե քաշի ավելացում: Այս պարագայում, մեկ անգամ ևս կարելի է ասել, երկուսի համատեղումը հավանաբար ամենաճիշտ տարբերակն է հաջողության հասնելու համար:

Անընդմեջ մարզվեք հաջողության հասնելու համար

Փորձագետ Սաշան նշում է, որ եթե ցանկանում եք վազքի միջոցով քաշ կորցնել, սկզբում, իհարկե, շատ լավ կստացվի, քանի որ յուրաքանչյուր մարզում ավելի կմոտեցնի նպատակին: Այնուամենայնիվ, շատ կարևոր է նպաստել նյութափոխանակության արագացմանը: Անհրաժեշտ է անընդմեջ նոր մարտահրավերներ դնել և հաղթահարել դրանք, որպեսզի մարմնի ամրապնդումը չմնա նույն մակարդակի վրա: Ահա այսպես ձեր օրգանիզմը ավելի շատ էներգիա կհավաքի նյութափոխանակության միջոցով:

Ուշադրություն: Աշխատեք նույն վարժությունը երկու օր անընդմեջ չանել: Աստիճանաբար ավելացրեք սրտի աշխատանքը կարգավորող, ուժային և ինտերվալային վարժությունները և երբեք մի՛ մոռացեք ունենալ հանգստի օրեր վերականգնման համար: Նոր և տարբերվող մարզումները խթան կհանդիսանան ամրապնդելու ձեր օրգանիզմը:

Հանգստացեք և նոր նպատակներ դրեք

Վազորդները, ովքեր արագացնում են նյութափոխանակությունը, կարողանում են ապահովել ճարպերի այրումը և նյութափոխանակության բարձր մակարդակը: Նոր նպատակներ դրեք, որպեսզի միշտ շահագրգռված լինեք: Բայց միշտ հիշեք, որ օրգանիզմը հարմարվում է նոր մարզումներին միայն ժամանակի ընթացքում և որքան հաճախ եք մարզվում, այնքան ավելի արդյունավետ է լինում։ Հետևաբար, եթե ցանկանում եք քաշ կորցնել վազքի միջոցով, ապա ավելի լավ է ամեն մարզումին մի նոր վարժություն ավելացնել։ Իսկ եթե ցանկանում եք պահպանել քաշը և բարելավել նյութափոխանակությունը երկար վազքի միջոցով, ապա պետք է հետևեք ձեր սննդակարգին։ Երկար վազքի իմաստն է համատեղել վարժություններ կատարելը և ճիշտ սնվելը, այլ կերպ ասած, էներգիայի հավաքումը և էներգիայի սպառումը պետք է լրցնեն մեկը մյուսին։

Վազքը օգտակար է և նպաստում է առողջ ապրելակերպին, հետևաբար խորհուրդ է տրվում զբաղվել վազքով։

Նյութը՝ https://www.runtastic.com/